Стоковые изображения от Depositphotos
Абай гарнизонының әскери қызметшілері су тасқынынан зардап шеккен аймақтарға аттанды , деп хабарлайды Armapress.kz тілшісі Абай өңірлік гарнизонының баспасөз қызметіне сілтеме жасап.
Еліміздің Қарулы күштерінің әскери қызметшілері су тасқынына қарсы іс-шараларға көмек көрсетуді жалғастыруда.
Абай гарнизоны әскери бөлімдерінің 200-ге жуық әскери қызметшісі Батыс Қазақстан облысы Орал қаласына арнайы бортпен аттанды.
Су тасқынына қарсы көмек көрсетуге аттанған әскери қызметшілерге «Шығыс» өңірлік қолбасшылығының қолбасшысы полковник Жеңіс Маралов нұсқаулық жүргізіп , аталған шараның маңыздылығына тоқталды.
«Өздеріңіз білетіндей еліміздің батыс аймақтарында су тасқынына қарсы жұмыстар жүргізіліп жатыр . Қарулы күштердің әскери қызметшілері де тәулік бойы жұмыстар атқаруда . Тасқынның алдын алу мен салдарын жою шараларына абыроймен қатысып қайтуларыңызға тілектеспін» , — деді «Шығыс» өңірлік қолбасшылығының қолбасшысы полковник Жеңіс Маралов.
Айта кетейік , бұған дейін «Шығыс» өңірлік қолбасшылығына қарасты Үшарал гарнизонының 40398 әскери бөлімінен 300-ден астам әскери қызметші мен 15 бірлік техника Солтүстік Қазақстан облысына су тасқынына қарсы жұмыстарға көмек көрсетуге әскери эшелонмен аттанған болатын.
Сурет: Абай өңірлік гарнизонының баспасөз қызметі
По сообщению сайта Arna Press